هنتكلم في المقال ده عن عقلية الأخصائي النفسي
الأخصائي النفسي محتاج انه يكون
- ماعندوش أحكام ، مش واخد مواقف مسبقة من المرضى والعملاء اللي بيتعامل معاهم
- يفصل بين مشاكله الشخصية ومشاكل المرضى ، ومايحكمش ولا ياخد قرار ولا يميل لاختيار ، بناء على تجربته هو الشخصية أو رأيه.
- بيحاول يطبق العلم والقواعد والمهارات النفسية على نفسه ، قبل ما يطلبه من الناس.
- يعرف نقط ضعفه وسلبياته ، ويعالجها أو يروح لزميل تاني يعالجه.
- بيعرف يتحكم في انفعالاته ، ويدير أزماته وصراعات بعقلانية.
- يتسم بالمرونة ، ومايتعنتش عند رأي معين ، وينفتح على الرأي الآخر ، ويقبل ان في ناس مختلفين عنه.
- عاوز يتعلم دائما وبيطور من نفسه
- مايفتيش أو يتكلم بغير علم
- مستعد يتعلم مش بس من الكتب والأساتذة ولكن كمان من المرضى، ومن مواقف الحياة العادية.
- مؤمن بدوره في الحياة وعارف قيمة نفسه.
- قادر يرجع تاني لو مر بفترة احباط.
- طموح وعاوز يحقق اهداف جديدة باستمرار.
- بيهتم بنفسه وبيدلعها وبيمارس هوايات علشان مايجيلوش احتراق نفسي.
يا ترى انت محقق كام واحدة من دول ؟
المقال اللي جاي هنتكلم عن المهارات Skills اللي الأخصائي النفسي محتاج لها علشان يكون ناجح في حياته المهنية
انتقل إلى المقال التالي من هنا
وفي المقال اللي فات اتكلمنا عن العلم واهم الكتب اللي تفيدك كاخصائي نفسي اكلينيكي
ارجع الى المقال السابق من هنا
